Ontsnap na die rustigheid van die Bosveld met hierdie besonder netjiese en skaars tweeslaapkamer-woning in die gewilde Die Oog Aftree Landgoed — ’n plek waar gemaklike aftrede en natuurskoon hand aan hand gaan.

Die woning bied ’n praktiese oopplan-uitleg met ’n ruim leefarea wat naatloos aansluit by ’n funksionele kombuis, toegerus met granietwerkblaaie, gasstoof en voorsiening vir ’n skottelgoedwasser. Die hele huis is netjies geteël, wat nie net stylvol lyk nie, maar ook instandhouding vergemaklik.

Beide slaapkamers beskik oor ruim ingeboude kaste, met ekstra pakplek in die gang — ’n waardevolle bonus. Die badkamer is volledig geteël en prakties ingerig vir alledaagse gerief. Rolblindings regdeur die huis en dakwaaiers dra by tot ’n koel en aangename atmosfeer.

Buite wag ’n pragtig versorgde, privaat tuin met ’n stoep en ingeboude braai — ideaal vir ontspanne kuier of rustige oomblikke in die natuur.

Die eiendom word verder aangevul deur ’n enkelmotorhuis met ingeboude kaste en ruimte vir ’n wasmasjien, asook 'n afdak en ekstra parkering vir besoekers. Daar is ook ’n handige tuinskuur waarin tuin gereedskap gestoor kan word.

Geleë in ’n stil, gevestigde boomryke gedeelte van die landgoed. Die beplande nuwe sorg sentrum gaan binne loop afstand vanaf die woning gebou word. Die Wynassie dam sowel as 'n voelskuiling is in die nabye omgewing vir rustige wandelings in die natuur.

Inwoners van Die Oog geniet ’n wye verskeidenheid geriewe, insluitend ’n restaurant, wegneem etes, geriefswinkel, gesondheid sorgsentrum, biblioteek, eie privaat natuur reservaat, tennis bane, 'n putt-putt baan en ’n verhitte swembad — alles daarop gemik om ’n gebalanseerde en aangename leefstyl te ondersteun.

Moenie hierdie unieke geleentheid misloop nie!